Устано́ва «Белару́ская дзяржа́ўная о́рдэна Працо́ўнага Чырво́нага Сьця́га філярмо́нія» — філярмонія ў Менску, Беларусь. Архітэктар будынку — Георгі Бенядзіктаў.
Адкрыцьцё адбылося 25 красавіка 1937 у складзе сымфанічнага аркестру, аркестру беларускіх народных інструмэнтаў, Беларускага ансамблю народнай песьні і танцу і Беларускай харавой капэлі.
Красавік 1963 року — адкрыцьцё канцэртнай залі (930 месцаў, раён плошчы Якуба Коласа, бульвар Луначарскага).
На працягу двух гадоў праводзіліся рамонтныя работы, была палепшаная акустыка залі, падсьвятленьне. Колькасьць месцаў у Вялікай залі была скарочаная да 688 і адкрытая Малая заля імя Р. Шырмы (200 месцаў).
26 студзеня 2005 — першы канцэрт у абноўленай залі.